Прва Помош

         ПРВА ПОМОШ – ХУМАНОСТ ВО АКЦИЈА!!!.

• Првата помош претставува хуманост во акција, гест на солидарност, гест кој ги мобилизира луѓето и заедниците да го зачуваат и заштитат човечкиот живот

 НАШИ ЦЕЛИ:

• Примарна цел на националното друштво е зајакнување на постојните материјални и човечки капацитети во обезбедување на ефикасни и квалитетни услуги од областа на првата помош за различни целни групи, воведување на нови и развој на постојните програмски активности од областа на првата помош, нивна имплементација, промоција и зајакнување на партнерската соработка.
• Црвениот крст на Република Северна Македонија настојува првата помош да биде достапна за секого.
• Црвениот крст на РСМ се стреми да стане водечки Референтен центар по прва помош во државата како единствена организација која вложува во областа на првата помош.

Овие цели Црвениот крст на Република Северна Македонија ги реализира преку:

• Курсеви по прва помош за кандидати за  возачи на моторни возила.
• Курсеви по прва помош на работно место за кандидати од јавни и приватни претпријатија.
• Курсеви по прва помош за кандидати за управување со пловни објекти.
• Курсеви по прва помош за различни целни групи (стари лица, беби-ситерки, подмладок, државни институции итн.),
• Обуки за нови лиценцирани едукатори и демонстратори по прва помош, како и освежителни курсеви по прва помош на веќе лиценцирани едукатори и демонстратори по прва помош.
• Одбележување на Светски ден на првата помош
• Организирање на општински, регионални и државен натпревар по прва помош.
• Организирање на курсеви за шминкери и манекени за реалистично прикажување на повреди.
• Организирање на обуки за судии за натпревари по прва помош.
• Имплементација на проекти од областа на првата помош, следење на новините во првата помош на меѓународно и национално ниво,
• Континуирано делување на полето на безбедност во сообраќајот преку градење на оперативни сојузи на локално и национално ниво со владини и невладини организации.
• Меѓународна соработка со останати национални друштва на Црвениот крст и Црвената полумесечина во областа на првата помош.
• Учество во симулациски вежби со реалистично прикажување на повреди во соработка со други владини институции.

ЦРВЕН КРСТ НА РСМ – ЛИДЕР ВО ЕДУКАЦИЈАТА ПО ПРВА ПОМОШ

• Црвениот крст на Република Северна Македонија (ЦКРСМ) има долгогодишно искуство и традиција во областа на едукација на населението за правилно и навремено пружање на прва помош.
• Согласно Законот за изменување и дополнување на Законот за безбедност на сообраќајот на патиштата (Службен весник на Република Северна Македонија бр.302/20) Црвениот крст на РСМ е единствена овластена организација за спроведување на курсеви по прва помош за кандидати за возачи.