Здравствено превентивна дејност
Здравствено превентивната програма на Црвениот крст на Република Северна Македонија е дизајнирана за да ги адресира здравствените приоритети на највулнерабилните групи на население преку сензибилизација, мобилизација и здравствена едукација за превенција и контрола на различни заболувања.
Цели на здравствено превентивната програма:
- подобрување на пристапот кон здравствена грижа во заедниците,
- обезбедување на адвокативност и поддршка на хуманитарните активности Црвениот крст превзема активности за намалување на нетолеранцијата, стигмата и дискриминацијата во соработка со сите значајни партнери со цел подобрување на здравствените предизвици во државата и
- континурано мапирање, едукација и поддигање на јавната свест за важноста од превенција и навремено откривање на заразни и незаразни заболувања кај различни категории на ранливо население.
Одбележување на здравствено превентивни денови, недели и месеци
Здравствено превентивните недели и денови Црвениот крст на РСМ ги одбележува преку организирање на едукативни работилници издавање и дистрибуција на здравствено информативен и едукативен материјал, мобилизација на целните групи, сензибилизација на релевантните институции и зајакнување на локалните капацитети и подигнување на здравствената свест. Тенденцијата на нашите активности е да се обезбедат долгоодржливи резултати во промоцијата на здравјето и здравствената грижа во заедниците.
Календар на здравствено превентивни денови, недели и месеци
- Недела на борба против срцевосадови заболувања 21-28 февруари
- Недела на борба против ракот 01-08 март
- Светскиот ден за борба против туберкулоза 24-ти март
- Недела на хигиенизација 08-15 април
- Недела на борба против туберкулоза 14-21 септември
- Недела на борба против шеќерна болест 10-16 октомври
- Месец на борба против болести на зависности- месец ноември
- Недела на борба против ХИВ/СИДА 1-7 декември
- Климатски промени-заштита на здравјето од климатските промени
- Недела на забоздравствена заштита 15- 21 декември
Вклученост на младите во здравствено превентивните програми
Промовирање на здравјето преку инволвираноста на младите се покажа како одличен начин за привлекување на нови волонтери но, и медиум преку кој полесно се спроведува здравствената едукација. Младите во континуитет остануваат целна група во однос на работата на оваа дејност преку едукатори кои во рамките на своите општински организации одржуваат врснички едукации.
Воспоставени се училишни младински клубови за едукации за превенција од ХИВ/СИДА, превенција од зависности и други теми од областа на здравство. Во рамките на редовните програмски активности се организираат едукативни предавања, работилници и кампањи за борба против одредени заболувања и состојби, како на пр.: срцевосадови заболувања, рак, сексуално преносливи заболувања, ХИВ/СИДА, туберкулоза, болестите на зависност, дијабет, пандемски заразни заболувања, климатски промени и др.
Превенција на ХИВ/СИДА кај лица кои инјектираат дрога
Црвениот крст на Република Северна Македонија во поддршка со Министерството за здравство повеќе од 15 години континуирано работи на намалување на штетите од употреба на дрога кај лицата – корисници на дрога преку програмата која се спроведува во три општински организации (ООЦК Кичево, ООЦК Велес и ООЦК Прилеп). Центрите отворени во општинските организации нудат медицински, социјални услуги на корисниците и ги снабдуваат истите со презервативи, лубриканри, информативен материјал и стерилен прибор за инјектирање.
Справување со епидемии и пандемии
Управувањето и превенцијата на епидемиите и пандемиите е приоритет на Меѓународното Движење на Црвениот крст и Црвената полумесечина. Здравствено превентивната програма на Црвениот крст на РСМ ги адресира здравствените приоритети на најранливите групи на население преку подигање на свеста за превенција на различни предизвици кои ги носат со себе заразните болести и давање придонес во надминување на здравствените последици предизвикани од пандемии и епидемии.
Активности кои НД ги презема за време на КОВИД-19 пандемијата за поддшка на ранливото население се следните:
- Подигање на јавната свест за КОВИД-19, споделување на материјали за превенција од КОВИД-19
- Промоција на хигиена
- Поддршка во спроведување на скрининг на граничните премини
- Одржување на тријажни шатори во болници/центри за јавно здравје
- Помош на бездомните лица и мигранти
- Дистрибуција на заштитна опрема ( маски, ракавици, дезифициенси)
- Дистрибуција на лекови за лица со хронични заболувања во државните карантини
- Поддршка за лицата во изолација и самоизолација со доставување на потребни прехранбени и хигиенски намирници, лекови и онколошка терапија
- Дистрибуција на инсулин за лица со дијабетес кои се во изолација
- Поддршка на здравствените работници и населението во процесот на КОВИД-19 вакцинација.
Заштита на здравјето на населенито од влијанието на топлотни и студени бранови
Црвениот крст на Република Северна Македонија активно учествува во работата на Националниот комитет за климатски промени и Комисијата за климатски промени и здравје при Министерството за здравство и во заедничките интерсекторски напори за заштита на населението во услови на екстремни надворешни температури (топлотни, студени бранови), како и во активностите со цел адаптација и митигација кон климатските промени.